Пендаровски-Хоти: Пандемијата не смее да биде пречка за соработката меѓу двете држави
- Глобалната пандемија не смее да биде пречка за натамошно унапредување на економските и трговските односи и за интензивирање на меѓусебната соработка и поддршка на планот на евроинтеграциите и
![Пендаровски-Хоти: Пандемијата не смее да биде пречка за соработката меѓу двете држави](https://new.mia.mk/index.php/images/20221104231512_big_730x400_55.webp )
На средбата, како што информира Кабинетот на претседателот, разменети се мислења за актуелните случувања во двете земји, за европската перспектива на државите од Западен Балкан, како и за севкупните мерки што се превземаат во справување со кризата од Ковид-19.
![пендаровски-хоти](/articles/images/pendarovski-hoti-pandemi-ata-ne-smee-da-bide-prechka-za-sorabotkata-me/MQWXWuNrc/placeholder.webp?use_watermark=0)
Пендаровски изразил уверување дека одличните односи меѓу двете земји ќе продолжат да се развиваат во духот на добрососедството и ќе бидат потврдени со конкретни иницијативи, кои ќе придонесат за просперитетен и стабилен регион и забрзана регионална соработка.
Во таа насока, соговорниците размениле мислења и околу можностите за продлабочување на билатералната и регионалната економска соработка, како и за поинтензивна комуникација помеѓу бизнис секторите на двете земји.
Пендаровски го поздравил и Договорот за економско нормализирање на односите меѓу Косово и Србија потпишан во Вашингтон, како исчекор во изнаоѓањето на конечен компромис, посочувајќи дека тој ќе придонесе за севкупната стабилност на регионот. бак/бк/