Пелистер со победа ја почна сезоната во АБА 2
- Кошаркарите на битолски Пелистер го совладаа вечерва словенечки Шенчур со 82-78 по продолжение и со победа ја почнаа новата сезона во АБА 2 лигата.
![Пелистер со победа ја почна сезоната во АБА 2](https://new.mia.mk/index.php/images/20231011175914_big_730x400_30.webp )
Суботица, 11 октомври 2023 (МИА) - Кошаркарите на битолски Пелистер го совладаа вечерва словенечки Шенчур со 82-78 по продолжение и со победа ја почнаа новата сезона во АБА 2 лигата.
Во неизвесен натпревар во рамки на воведниот "балон" во Суботица, најефикасни во редовите на македонскиот тим беа Марјан Илиевски со 22 поени и Малком Бернард со поен помалку.
Вечерва својот настап во АБА 2 лигата ќе го има и скопски ТФТ Моцарт против босански Широки.
Третиот македонски претставник во ова регионално кошаркарско натпреварување МЗТ Скопје Аеродром вчера загуби од дебитантот Цедевита Јуниор. ег/вг/
ФОТО: Пелистер Фејсбук