Пелистер потпиша договор со Цикатиќ
- РК Еурофарм Пелистер потпиша двегодишен договор со хрватскиот кружен напаѓач, Кајо Цикатиќ.
![Пелистер потпиша договор со Цикатиќ](https://new.mia.mk/index.php/images/20240604185208_big_730x400_45.webp )
Битола, 4 јуни 2024 (МИА) - РК Еурофарм Пелистер потпиша двегодишен договор со хрватскиот кружен напаѓач, Кајо Цикатиќ.
Овој 24-годишен кружен напаѓач, висок 197 сантиметри и тежок 107 килограми, доаѓа од хрватскиот прволигаш Горица.
Цикатиќ е роден во Дубровник, беше дел од Загреб и хрватските младински категории, а сега првпат ќе игра надвор од хрватските граници.
Неговото претставување е предвидено на крајот на јули во Битола, со почетокот на подготвките за сезоната 2024/25. дс
Фото: РК Еурофарм Пелистер