Пеле му го честита на Роналдо апсолутниот рекорд за најмногу постигнати голови
- Легендарниот бразилски фудбалер Пеле го изрази своето воодушевување од напаѓачот на Јувентус и Португалија, Кристијано Роналдо. Поранешниот фудбалер му го честиташе на 36-годишниот играч апсо
![Пеле му го честита на Роналдо апсолутниот рекорд за најмногу постигнати голови](https://new.mia.mk/index.php/images/20221106134716_big_730x400_88.webp )
Рио де Жанеиро, 15 март 2021 (МИА) - Легендарниот бразилски фудбалер Пеле го изрази своето воодушевување од напаѓачот на Јувентус и Португалија, Кристијано Роналдо. Поранешниот фудбалер му го честиташе на 36-годишниот играч апсолутниот рекорд по бројот на голови.
Откако постигна хет-трик на натпреварот од италијанскиот шампионат против Каљари, Роналдо во кариерата стигна до 770 погодоци, додека Пеле погоди 767 пати.
- Ти се восхитувам. Сакам да те гледам како играш, и тоа не е тајна за никого. Животот е осамен лет, секој оди по сопствен пат. И какво патување имате! - напиша Пеле на Инстаграм.
Оваа сезона, Роналдо одигра 33 натпревари за Јувентус, постигна 30 погодоци и забележа пет асистенции. зс/