Пато и Балотели можат да станат играчи на Бешикташ
- Турскиот фудбалски клуб Бешикташ преговара со напаѓачите Александре Пато и Марио Балотели.
![Пато и Балотели можат да станат играчи на Бешикташ](https://new.mia.mk/index.php/images/20221104214947_big_730x400_90.webp )
Истанбул, 5 октомври 2020 (МИА) – Турскиот фудбалски клуб Бешикташ преговара со напаѓачите Александре Пато и Марио Балотели.
Услугите на Пато кон клубот од Истанбул ги понудија неговите агенти, додека Балотели продолжи со преговорите што започнаа порано, објави на Твитер новинарот Николо Скира.
Во моментов, 30-годишниот Балотели е играч на Бреша, но клубот јасно стави до знаење дека напаѓачот повеќе нема да игра за овој тим.
Што се однесува до 31-годишниот Пато, тој е во статус на слободен агент откако го напушти Сао Паоло во август. зс/