Папата Франциск се помоли Светското првенство во Катар да биде можност за мир во светот
- Папата Франциск денеска го поздрави одржувањето на Светското првенство во фудбал и се помоли Мундијалот во Катар да биде можност за хармонија и мир во светот
![Папата Франциск се помоли Светското првенство во Катар да биде можност за мир во светот](https://new.mia.mk/index.php/images/20221128070255_big_730x400_85.webp )
Ватикан, 23 ноември 2022 (МИА) - Папата Франциск денеска го поздрави одржувањето на Светското првенство во фудбал и се помоли Мундијалот во Катар да биде можност за хармонија и мир во светот.
Овој важен настан нека биде повод за средба и хармонија на народите, во корист на братството и мирот меѓу народите. Да се молиме за мир во светот и крај на сите конфликти, истакна папата Франциск во своето неделно обраќање до верниците во Ватикан.
Папата Франциск е долгогодишен љубител на фудбалот и го истакнува спортот како начин за промовирање на солидарноста и братството.
Тој е роден во Аргентина и навива за клубот Сан Лоренцо од Буенос Аирес. ми/