Папата бара населението во Газа да има безбеден пристап до хуманитарната помош
- -Секој ден со тага во срцето го носам страдањето на жителите во Палестина и во Израел, поради тековните непријателства, рече папата по молитвата Ангелус на плоштадот Свети Петар во Ватикан.
![Папата бара населението во Газа да има безбеден пристап до хуманитарната помош](https://new.mia.mk/index.php/images/20240303150920_big_730x400_41.webp )
Ватикан, 3 март 2024 (МИА) - Папата Франциск денеска повика на населението од Појасот Газа да му се гарантира „безбеден пристап“ до хуманитарна помош.
Глад му се заканува на населението на оваа блокирана територија, што е под израелски напади од почетокот на војната меѓу исламистички Хамас и Израел, се наведува во проценката на Обединетите нации.
-Секој ден со тага во срцето го носам страдањето на жителите во Палестина и во Израел, поради тековните непријателства, рече папата по молитвата Ангелус на плоштадот Свети Петар во Ватикан.
„Го охрабрувам продолжувањето на преговорите за моментален прекин на огнот во Газа и целиот регион, така што сите (израелски) заложници да бидат ослободени и вратени кај нивните роднини, кои нервозно ги чекаат, и цивилното (палестинското) население да има безбеден пристап до хуманитарната помош, што им е итно потребна“, рече папата и апелираше за итен прекин на непријателствата. сд/
фото:МИА архива