Пандев: Верував дека можеме барем до бод против Украина
- Капитенот на македонската фудбалска репрезентација, Горан Пандев, по денешниот пораз (1:2) од Украина рече дека за добар резултат не се доволни добри само 45 минути.
![Пандев: Верував дека можеме барем до бод против Украина](https://new.mia.mk/index.php/images/20221107130727_big_730x400_35.webp )
Букурешт, 17 јуни 2021 (МИА) – Капитенот на македонската фудбалска репрезентација, Горан Пандев, по денешниот пораз (1:2) од Украина рече дека за добар резултат не се доволни добри само 45 минути.
- Треба да играме цел натпревар како што игравме во второто полувреме. Жал ми е што го изгубивме натпреварот. Се надевав дека можевме барем до бод. Бевме малку во грч. Кога примивме гол, како да се опуштивме и почнавме да играме. Ние на ова ЕП нема што да изгубиме. Ние со самиот пласман направивме нешто големо. Сега треба само да излеземе на терен и да дадеме максимум. Нашите навивачи и денес покажаа дека се со нас и со аплауз не испратија на крајот. Со Холандија да се обидеме од почеток да одиграме како што знаеме, истакна Пандев.
По две кола „црвено-жолтите“ се без бод и само со теоретски шанси за 3. место во Ц-групата и пласман во следната фаза. зс/