Павар сака да замине од Баерн
- Германските медиуми пишуваат дека 27-годишниот француски фудбалски репрезентативец Бенџамин Павар нема намера да го продолжи договорот со Баерн и сака да го напушти шампионскиот тим од Минхен.
![Павар сака да замине од Баерн](https://new.mia.mk/index.php/images/20230601195303_big_730x400_62.webp )
Минхен, 1 јуни 2023 (МИА) – Германските медиуми пишуваат дека 27-годишниот француски фудбалски репрезентативец Бенџамин Павар нема намера да го продолжи договорот со Баерн и сака да го напушти шампионскиот тим од Минхен.
Павар има договор со Баерн до крајот на идната сезона, но изминатиот период неговиот менаџер веќе остварил средба со донеодамнешниот спортски директор Хасан Салихамиџиќ, кого го известил за желбата на Французинот да замине од клубот.
Во меѓувреме, Салихамиџиќ беше отпуштен од должноста, заедно со членот на клупското раководство Оливер Кан, и неизвесно е дали новите челници ќе инсистираат Павар да остане во клубот.
Според германските медиуми, желбата на поранешниот фудбалер на Лил и Штутгарт да замине од Баерн е мотивирана од интерес за неговите услуги од Барселона. ег/
ФОТО: Фејсбук