ОЈО поднесе обвинение за недозволено поседување автоматска пушка
- Османи утре ќе се обрати пред пратениците во Европскиот Парламент Брисел, 9 декември 2020 (МИА) – Министерот за надворешни работи, Бујар Османи утре ќе се обрати пред европратениците во рамки
![ОЈО поднесе обвинение за недозволено поседување автоматска пушка](https://new.mia.mk/index.php/images/20221105124801_big_730x400_89.webp )
Скопје, 9 декември 2020 (МИА) - Јавен обвинител од Основното јавно обвинителство Скопје поднесе обвинителен акт против 23-годишен жител на село Буковиќ за недозволено поседување автоматска пушка.
- Во близина на кафе-бар во негова сопственост, на влезот од селото Буковиќ, обвинетиот 23-годишник држел автоматска пушка со калибар 7,62Х39 мм од бугарско производство, која претставува верзија на руската автоматска пушка АК-47 Калашников. Ова оружје им е забрането на граѓаните и за него не може да се добие дозвола за поседување. Заедно со автоматската пушка биле пронајдени и две рамки без куршуми, се вели во соопштението од ОЈО.
Надлежниот јавен обвинител, ценејќи дека во конкретниот случај постои опасност од бегство и можност обвинетиот да го повтори делото, до Основниот кривичен суд Скопје достави и посебен предлог за продолжување на претходно определената мерка куќен притвор.
Лицето се терети за кривично дело – Неовластено производство, држење, посредување и тргување со оружје или распрскувачки материи од член 396 став 2 во врска со став 1 од Киривичниот законик. аа/дма/