ОЈО: Извршен увид на местото на убиството во Боговиње
- Дежурен јавен обвинител од Основното јавно обвинителство Тетово изврши увид на местото во Боговиње каде едно лице беше лишено од живот со огнено оружје.
![ОЈО: Извршен увид на местото на убиството во Боговиње](https://new.mia.mk/index.php/images/20240602135028_big_730x400_90.webp )
Скопје, 2 јуни 2024 (МИА) - Дежурен јавен обвинител од Основното јавно обвинителство Тетово изврши увид на местото во Боговиње каде едно лице беше лишено од живот со огнено оружје.
Како што информира ОЈО, сторителот е идентификуван и лишен од слобода, а кај него е пронајдено и оружјето со кое го извршил делото.
-Според првичните информации, настанот се случил во угостителски објект во кој во тој момент имало и други лица. Осомничениот и жртвата имале вербална расправија, по што сторителот извадил огнено оружје и започнал да пука. Јавниот обвинител издаде наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица, соопшти ОЈО.вј/
Фото: МИА архива