Охридската Библиотека од понеделник со летно работно време
- Охридската библиотека „Григор Прличев“ од понеделник ќе работи во една смена, односно од 8 часот и 30 минути, до 16 часот и 30 минути. Летното работно време, како што соопшти Библиотеката, ќе трае до 4 септември.
![Охридската Библиотека од понеделник со летно работно време](https://new.mia.mk/index.php/images/20230608101342_big_730x400_30.webp )
Охрид, 8 јуни 2023 (МИА) - Охридската библиотека „Григор Прличев“ од понеделник ќе работи во една смена, односно од 8 часот и 30 минути, до 16 часот и 30 минути.
Летното работно време, како што соопшти Библиотеката, ќе трае до 4 септември.
- Одделот за зајмување книги од понеделник до петок ќе биде отворен во терминот од 08:30 до 16 часот. Како и досега и летово читателите слободно ќе можат да влезат и да одбираат книги од полиците и да побараат помош од библиотекарите, стои во информацијата.
Читалната во одделот за издавање, како што е наведено, ќе биде отворена од понеделник до петок од 9 часот и 30 минути до 14 часот, а читалната за дневен печат и периодика во „Прличевата одаја“ со читатели ќе работи од 9 до 15 часот. Читалните ќе можат да ги користат само зачленети читатели.
Библиотеката информира дека во текот на летото во одделението за издавање книги ќе можат да се зачленат и лица, кои ќе имаат подолг престој и одмор во Охрид.
Годишната членарина останува иста, за возрасни е 300, а за деца 200 денари. сс/сст/
Фото МИА