Отстранети дваесет диви депонии на неколку локации во Скопје
- ЈП Комунална хигиена-Скопје соопштуваат дека во текот на изминатиот викенд отстранија дваесетина диви депонии лоцирани во општините Аеродром, Центар, Ѓорче Петров, Чаир и Карпош.
![Отстранети дваесет диви депонии на неколку локации во Скопје](https://new.mia.mk/index.php/images/20230918142124_big_730x400_91.webp )
Скопје, 18 септември 2023 (МИА) - ЈП Комунална хигиена-Скопје соопштуваат дека во текот на изминатиот викенд отстранија дваесетина диви депонии лоцирани во општините Аеродром, Центар, Ѓорче Петров, Чаир и Карпош.
Како што известија, во општината Аеродром, активностите се одвивале на улицата Венијамин Мачуковски и булеварот Видео Смилевски-Бато, во општината Чаир се расчистувале дивите депонии на улицата Методија Митевски, додека во општината Центар го отстраниле непрописно одложен отпад на улицата Кирил и Методиј и во реонот на скопското Теќе.
ЈП Комунална хигиена-Скопје во текот на викендот отстрани и неколку диви депонии лоцирани во населбите Козле и Трнодол во општина Карпош, како и на повеќе локации на главната улица во општината Ѓорче Петров.
- Подигнати се вкупно 30 кубни метри кабаст, градежен и мешан комунален отпад одложен на јавни и сообраќајни површини, истакнаа од ЈП Комунална хигиена. сан/ац/
Фото: ЈП Комунална хигиена - Скопје