Откриена слика од кенгур стара 17.300 години во Австралија
- Научниците сметаат дека ова е најстарото недопрено уметничко дело во Австралија.
![Откриена слика од кенгур стара 17.300 години во Австралија](https://new.mia.mk/index.php/images/20221106120756_big_730x400_45.webp )
Мелбурн, 23 февруари 2021 (МИА) - Австралиски истражувачи го открија најстарото уметничко дело во земјата, врежано во карпа - кенгур насликан пред 17.300 години. Двометарското дело е нацртано со црвена боја, објави Би-би-си.
Сликата во карпа е пронајдена во областа Кимберли во Западна Австралија, познат по своите слики во карпи од Абориџините. Наодот е објавен во списанието „Нејчр хјуман бихејвиор“.
Научниците сметаат дека ова е најстарото недопрено уметничко дело во Австралија.
На почетокот на оваа година, истражувачи ја пронајдоа и најстарата слика во пештера во светот - свиња во природна големина. Таа е стара 45.000 години, и се наоѓа на островот Сулавези, во Индонезија. си/сд/
![кенгур](/articles/images/otkriena-slika-od-kengur-stara-17-300-godini-vo-avstrali-a/3IqVpBjvA/placeholder.webp?use_watermark=0)