Откажани летови во делови на Велика Британија и прекини на струја во Ирска поради невреме
- Невреме во Велика Британија и Ирска предизвика откажување на летовите во двете земји и остави без струја илјадници домови во Ирска, објавија британските медиуми.
![Откажани летови во делови на Велика Британија и прекини на струја во Ирска поради невреме](https://new.mia.mk/index.php/images/20240407091018_big_730x400_97.webp )
Лондон, 7 април 2024 (МИА) - Невреме во Велика Британија и Ирска предизвика откажување на летовите во двете земји и остави без струја илјадници домови во Ирска, објавија британските медиуми.
Невремето, наречено Кетлин, погоди голем број летови на аеродромите во Ирска и Велика Британија, вклучувајќи ги аеродромите во Манчестер, аеродромот во Белфаст и аеродромот во Даблин. Во Шкотска, од невремето беа погодени и железничките и фериботите.
Силниот ветер предизвика прекин на електричната енергија. Околу 34.000 домаќинства и бизниси останаа без струја во Ирска. мс/
фото: МИА архива