Отворање на Нега центар во Демир Хисар
- Во Демир Хисар денеска ќе биде означен почетокот на работата на Нега Центар, кој ќе дава услуги за нега и поддршка на стари лица.
![Отворање на Нега центар во Демир Хисар](https://new.mia.mk/index.php/images/20221107234033_big_730x400_37.webp )
Скопје, 21 јули 2021 (МИА) - Во Демир Хисар денеска ќе биде означен почетокот на работата на Нега центар, кој ќе дава услуги за нега и поддршка на стари лица.
-Услугата има за цел да го подобри и одржи здравјето на старите лица во нивното семејно окружување и тоа преку помош во извршување на активности од секојдневниот живот, велат од Министерството за труд и социјална политика.
На пуштањето во работа на центарот ќе присуствува и министерката за труд и социјална политика Јагода Шахпаска.
Развојот на оваа социјална услуга е финансиран од Проектот за подобрување на социјалните услуги, што го спроведува Министерството за труд и социјална политика, со поддршка на Светска банка. сст/лв/