ОТА: Немаме споделено доверливи информации, ниту договори за соработка со странски безбедносно-разузнавачки служба
- Деновиве сме сведоци на циркулирање на дезинформации и невистини, непринципиелно превземени и пласирани во дел од медиумите, чија цел е и напад над професионалниот интегритет и работењето на Оперативнотехничката агенција.
![ОТА: Немаме споделено доверливи информации, ниту договори за соработка со странски безбедносно-разузнавачки служба](https://new.mia.mk/index.php/images/20230714161642_big_730x400_6.webp )
Скопје, 14 јули 2023
Деновиве сме сведоци на циркулирање на дезинформации и невистини, непринципиелно
превземени и пласирани во дел од медиумите, чија цел е и напад над професионалниот
интегритет и работењето на Оперативнотехничката агенција.
Во врска со таквите објави, чувствуваме обврска и одговорност да истакнеме дека ОТА нема
споделено доверливи информации, не подготвувала драфт договори, ниту има потпишано било какви договори или меморандуми за соработка со ниту една странска безбедносно-разузнавачка служба, вклучително ни со грчката национална разузнавачка служба (ЕИП), особено не за користење на софтвер за прислушување. Со сигурност уверуваме дека од страна на ОТА не се користи споменатиот софтвер и нејасна е намерата да се направи било каква поврзаност на ОТА со минатогодишните настани во Р.Грција.
Од своето формирање до денес, ОТА е гарантор дека следењето на комуникациите кое се врши
преку ОТА и операторите се спроведува исклучиво во законска, строго утврдена постапка,
единствено по издадена судска наредба.ОТА немала, нема и нема да има пристап до содржината на следената комуникација и незаконско или масовно следење на комуникациите преку ОТА технички не е, ниту ќе биде возможно.
ОТА е самостоен и независен државен орган и нејзиното работење нема поврзаност со извршната власт без разлика на нејзиниот состав.
Во таа смисла ОТА останува посветена на професионалното работење без било какви влијанија ниту поврзаност со политички интереси и партиски агенди.
Оперативно-техничка агенција
__________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: МИА Архива