Осум училишта добиле закани за бомби, во неколку веќе утврдено е дека се лажни
- Во дел од училиштата во Скопје, кои денеска добија дојави за поставени бомби проверката е завршена и е утврдено дека станува збор за лажни дојави, а во дел од нив проверките се уште траат, ин
![Осум училишта добиле закани за бомби, во неколку веќе утврдено е дека се лажни](https://new.mia.mk/index.php/images/20221114013734_big_730x400_70.webp )
Скопје, 26 октомври 2022 (МИА) - Во дел од училиштата во Скопје, кои денеска добија дојави за поставени бомби проверката е завршена и е утврдено дека станува збор за лажни дојави, а во дел од нив проверките се уште траат, информираат од Министерството за внатрешни работи за МИА.
Пет училишта денеска околу 12 часот пријавиле до СВР - Скопје дека на меил адреси добиле закани за поставени бомби. Станува збор за гимназиите „Раде Јовчевски Корчагин“, „Орце Николов“, „Никола Карев“, „Јосип Броз Тито“ и АСУЦ „Боро Петрушевски“. Полицијата испрати тимови, а учениците и вработените беа евакуирани од објектите, каде се вршат проверки.
Подоцна, како што информираа од МВР дополнително е пријавено дека иста закана пристигнала преку електронска пошта до уште три училишта во Скопје и оти и таму се преземаат мерки за безбедно евакуирање на учениците и вработените.
-Веднаш се упатени тимови за антитерористички проверки и се преземаат мерки за расчистување на случајот. Во дел од училиштата веќе е завршена проверката и утврдено е дека станува збор за лажна пријава, а во дел од училиштата проверките се уште во тек, додаваат од МВР. ац/сп/
![Дојава за бомба КОРЧАГИН (4)](/articles/images/%d1%81%d0%be%d1%98%d1%83%d0%b7-%d0%bd%d0%b0-%d1%81%d1%80%d0%b5%d0%b4%d/BwwKKSH0m/placeholder.webp?use_watermark=0)
![Дојава за бомба КОРЧАГИН (2)](/articles/images/%d0%be%d1%81%d1%83%d0%bc-%d1%83%d1%87%d0%b8%d0%bb%d0%b8%d1%88%d1%82%d0/9Nyc6Tvyo/placeholder.webp?use_watermark=0)