Брисел, 22 јули 2024 (МИА) – Осум европски министри денеска поднесоа предлог до високиот претставник на ЕУ, Жозеп Борел, за ревизија и испитување на постигнатите резултати, ефективноста на преземените дејствија и различни опции за промена на пристапот на ЕУ кон кризата во Сирија.

Министрите за надворешни работи на Италија, Австрија, Чешка, Хрватска, Кипар, Грција, Словачка и Словенија во предлог изразија став дека ЕУ треба да работи на ублажување на состојбите, создавање пристојни услови за живот и услови за безбедно и достоинствено доброволно враќање во согласност со стандардите на УНХЦР и проактивно да придонесува во потрагата по одржливо политичко решение за конфликтот.

Испитувањето на ситуацијата во Сирија мора да ги вклучи и различните размислувања на земјите-членки, Службата за надворешни работи и Европската комисија. јт/

Фото: МИА архива