Акапулко, 23 февруари 2026 (МИА) - Организаторите на тенискиот турнир АТП 500 во Акапулко немаат планови да ги откажат натпреварите поради немирите во Мексико.

Вчера беше убиен водачот на нарко-картелот Немесио Осегера Сервантес, со прекар „Ел Менчо“. Како одговор на тоа, членови на криминални групи започнаа немири во Мексико.

- Изјавуваме дека информациите што циркулираат во некои медиуми и на социјалните медиуми за наводното откажување на турнирот поради безбедносни причини се лажни. 
Турнирот не издаде никакви известувања за откажување. Натпреварувањето ќе продолжи според распоредот, а операциите продолжуваат нормално.
Ние сме во постојана координација и соработка со федералните, регионалните и општинските власти во рамките на утврдените безбедносни протоколи.
Ги молиме претставниците на медиумите, спонзорите и навивачите да ги проверуваат сите информации исклучиво преку официјални извори, објавија организаторите на турнирот во Акапулко.

Оваа недела, турнирот ВТА 500 ќе се одржи во Мерида, Мексико. зс/

Фото: ЕПА