Будимпешта, 2 март 2026 (МИА) - Унгарскиот премиер Виктор Орбан изјави денеска Унгарија ќе ги презентира доказите собрани во текот на викендот во врска со состојбата на украинскиот дел од нафтоводот „Дружба“.

Орбан во објава на „Фејсбук“ напиша дека пристигнале вредни информации.

Во друга објава дадена за време на обиколката на рафинеријата на Дунав, тој рече дека унгарската влада нема да дозволи цените на бензинот да пораснат на 1.000 форинти и дека ќе ја прекине блокадата на украинскиот претседател Володимир Зеленски.

Во видеото, претседателот и генерален директор на нафтената и гасна компанија МОЛ, Жолт Хернади, му го покажува на Орбан местото каде што нафтоводот „Дружба“ се спојува со рафинеријата.

„Моментно нема сурова нафта. Испораките преку нафтоводот беа прекинати 22 пати од почетокот на војната во Украина. Досега успеавме да ја решиме ситуацијата, но таа одеднаш се промени и не ја знаеме причината. Дури понудивме и техничка помош“, рече тој, пренесува МТИ.сд/

Фото: ФБ на Орбан