Оранжериските домати неделава поевтинуваат за 13,4 отсто на 2,07 лева за килограм
- Индексот на пазарните цени (ИТЦ), кој ги одразува големопродажните цени на храната во Бугарија, оваа недела се намали за 0,44 отсто на 2.055 поени, откако пред две недели забележа раст
![Оранжериските домати неделава поевтинуваат за 13,4 отсто на 2,07 лева за килограм](https://new.mia.mk/index.php/images/20221113202554_big_730x400_22.webp )
Софија, 21 август 2022 (МИА) - Индексот на пазарните цени (ИТЦ), кој ги одразува големопродажните цени на храната во Бугарија, оваа недела се намали за 0,44 отсто на 2.055 поени, откако пред две недели забележа раст.
Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.
До почетокот на август, ИТЦ практично не се менуваше повеќе од еден месец, движејќи се во опсег од 2.029 до 2.039 поени, известува Државната комисија за стокови берзи и пазари (ДКСБТ).
Основното ниво на индексот е 1.000 поени и е од 2005 година.
Оранжериските домати неделава поевтинуваат за 13,4 отсто до 2,07 лева за килограм, а на оранжериските краставици поскапуваат за 2,3 отсто до 2,27 лева за килограм. Компирите поевтинуваат за шест центи и се продаваат по 1,04 лева за килограм. Цената на морковите се намалува за една стотинка на 1,12 лева за килограм на големо. Зелката поевтинува за два центи и се тргува по 0,85 лева за килограм.
Јаболката поевтинуваат за 10 центи на 1,33 лева за килограм. Цената на лимонот се намалува за девет центи на 3,09 лева за килограм. Праските неделава се продаваат по 2,06 лева за килограм, а лубениците скокнале за 10,4 отсто и се тргуваат по 0,64 лева за килограм.
Кравјото сирење поскапе за 5,7 отсто и веќе го помина нивото од 11 лева за килограм и се тргува по 11,05 лева за килограм, а кашкавалот „Витоша“ поскапе за 2,6 отсто и се продава по 16,16 лева за килограм. По поевтинувањето во средината на јули, нафтата на се тргува по 4,96 лева за литар.
Кравји путер од 125 грама поевтини за 2,5 отсто и се продава за 2,74 лева. Пилешкото месо поскапе за 12 центи и се тргува во просек по 6,07 лева за килограм. Шеќерот поевтини за 11 центи и на крајот на неделата се продаваше по 2,25 лева за килограм, а брашното тип „500“ се тргуваше по 1,31 лева за килограм. Цената на оризот се намали за 2,9 отсто и се тргуваше по 2,66 лева за килограм. Јајцата втора недела се продаваат по 0,29 лева по парче на големо.
Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА