Општина Пехчево со акција за санирање на ударните дупки на најоштетените улици
Пехчево, 21 јуни 2022 (МИА) - Во Пехчево започна акција за санирање на ударни дупки на улиците и крстосниците, информираа од Општината, потенцирајки дека со активноста ќе бидат опфатени улици кои се меѓу најоштетените во градот.
-Санирање на ударните дупки имаме од влезот во Пехчево од страната на Делчево, потоа од улица „Јулија Веселинска" до улица „Илинденска", а опфатена е и самата улица „Илинденска" како и улицата „Даме Груев", информираа од Општината.
Оттаму апелираа за трпеливост од страна на граѓаните заради отежнатиот сообраќај.
-Активностите за санирање на ударни дупки се при крај, и затоа освен за трпение, апелираме и за внимателно возење по улиците, додадоа од Општината.
Активностите се реализираат во пресрет на одбележувањето на Празникот на градот и најавениот Фестивал на дувачки оркестри кој ќе се одржи во месец јули.вс/бт/
