Општина Кисела Вода: Тридневниот новогодишен карван стартуваше од Драчево, финализира во Расадник
- Дедо Мраз со својата кочија придружуван од голем број распеани дечиња утрово го започна своето Новогодишно патување низ општина Кисела Вода. Првата станица му беше Паркот на бранителите, а потоа се дружеше со дечињата кои ги сретна низ улиците во Драчево, како и во градинките каде дечињата добија пакетчиња. Финалната дестинација за денес му беше во градинката Пеперутка, каде со песна и приредба го пречекаа огромен број на дечиња.
![Општина Кисела Вода: Тридневниот новогодишен карван стартуваше од Драчево, финализира во Расадник](https://new.mia.mk/index.php/images/20231227124820_big_730x400_7.webp )
27 декември 2023
Дедо Мраз со својата кочија придружуван од голем број распеани дечиња утрово го започна своето Новогодишно патување низ општина Кисела Вода. Првата станица му беше Паркот на бранителите, а потоа се дружеше со дечињата кои ги сретна низ улиците во Драчево, како и во градинките каде дечињата добија пакетчиња. Финалната дестинација за денес му беше во градинката Пеперутка, каде со песна и приредба го пречекаа огромен број на дечиња. Настанот кој е во организација на Општина Кисела Вода продолжува утре во повеќе населби од централниот дел на општината. Започнува пред Домот на култура “Билјана Беличанец”, поминува низ улиците, парковите, градинките и училиштата. Финалето од тридневниот Новогодишен карван ќе се одвива во паркот во Расадник. Во петок, на 29 декември, во 12 часот големиот хепенинг почнува со детска претстава, а во 12:40 со свој концерт ќе настапат „Поточиња“. Во 13:30 публиката ќе ја забавуваат Сара Мејс и „Данса Латина Стефи“ со заеднички настап, а во 13:45 е закажан настапот на Пајак и Лара.
На крајот од хепенингот, Дедо Мраз ќе подели пакетчиња за сите деца.
Настанот има хуманитарен карактер. На штандовите поставени во паркот ќе се продаваат новогодишни изработки, а средствата од продажбата ќе бидат наменети за лекување на младиот Леонид Индов кој настрада во несреќен случај.
Општина Кисела Вода
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: Општина Кисела Вода