Општина Битола ќе спроведе екогенералка за почист град
- Општина Битола во соработка со јавните претпријатија „Комуналец“, „Водовод“ и „Нискоградба“, приватни фирми, како и шест основни и две средни училишта, утре и в сабота ќе вршат чистење на пов
![Општина Битола ќе спроведе екогенералка за почист град](https://new.mia.mk/index.php/images/20221113123545_big_730x400_4.webp )
Битола, 5 мај 2022 (МИА) - Општина Битола во соработка со јавните претпријатија „Комуналец“, „Водовод“ и „Нискоградба“, приватни фирми, како и шест основни и две средни училишта, утре и в сабота ќе вршат чистење на повеќе локации во градот.
Од Општина Битола информираат дека дводневната екогенералка се организира за поубава и почиста Битола, а за секои 10 килограми собран отпад ќе се засадува по едно дрво.
- Акцијата почнува утре во 10 часот со чистење отпад на депонија кај улица „Кочо Рацин“, а ќе се чисти и во основните и средните училишта кои покажаа интерес за вклучување во акцијата. Во сабота ќе се расчистува и собира отпад на повеќе пунктови, односно во Нова Битола во близина на детскиот парк кај училиштето „Св.Климент Охридски“, потоа на улицата „Едвард Кардељ“, Лавчанска населба, Јени Маале, населба Стрелиште, а ќе се чистат депониите и во населбата кај поранешната Касарна, посочуваат од тамошната локална самоуправа.
Пријавување на здруженија на граѓани, организирани групи, урбани и месни заедници за учество во акцијата ќе се врши и во текот на денешниот ден. мт/ар/
![20220211_145135](/articles/images/%d0%be%d0%bf%d1%88%d1%82%d0%b8%d0%bd%d0%b0-%d0%b1%d0%b8%d1%82%d0%be%d0/7QRvkP8kJ/placeholder.webp?use_watermark=0)