Општина Аеродром домаќин на Меѓународниот кошаркарски турнир „Драган Василов – Цевка“
- На иницијатива на Општина Аеродром, претстојниот викенд во СЦ „Јане Сандански“ ќе се одржи Меморијален кошаркарски турнир „Драган Василов – Цевка“. На турнирот кој се игра во чест на човекот
![Општина Аеродром домаќин на Меѓународниот кошаркарски турнир „Драган Василов – Цевка“](https://new.mia.mk/index.php/images/20221108155612_big_730x400_15.webp )
Скопје, 7 септември 2021 (МИА) – На иницијатива на Општина Аеродром, претстојниот викенд во СЦ „Јане Сандански“ ќе се одржи Меморијален кошаркарски турнир „Драган Василов – Цевка“. На турнирот кој се игра во чест на човекот кој целиот свој живот го посвети на кошарката и работа со млади категории, ќе настапат осум екипи составени од кошаркари до 16 години.
Покрај македонските МЗТ Скопје Аеродром и Вардар, своето учество го потврдија Црвена ѕвезда и Реал Гуровиќ Академија од Србија, Академик Пловдив од Бугарија, Слован Љубљана од Словенија, Шопрон од Унгарија и Клуж од Романија.
Општина Аеродром за организација на овој турнир од својот буџет одвои два милиона денари.
Турнирот доби поддршка и од Кошаркарската федерација на Северна Македонија.
- Чест и задоволство ми е што Кошаркарската федерација на Македонија е дел од овој турнир. Ние ќе ги обезбедиме службените лица и стрим од натпреварите. Се надевам дека турнирот ќе стане традиционален, затоа што Драган Василов – Цевка заслужува и многу повеќе. Но и ова е само почеток, рече Перо Антиќ, претседателот на КФСМ.
На денешната прес-конефернција учествуваше и првиот човек на Олимпискиот комитет на Северна Македонија, Даниел Димевски.
- Респектабилен е составот на клубовите кои доаѓаат на овој турнир. Цевка заслужи ваков турнир. И генерацијата е одбрана, бидејќи тој работеше со младите. Сите кои ја сакаат кошарката ќе имаат убава можност да уживаат во некои нови идни ѕвезди, а ние уште еднаш, заедно со семејството да се потсетиме на големото дело на Цевка.
Од името на семејството, за организацијата на турнирот се заблагодари синот на Драган, Горан Василов.
-Овој турнир е доказ дека вредностите се вечни и се почитуваат. Дека се ценат личностите кои придонеле секој на свој начин за развој во струката во која работи. Така и приказната за мојот татко кој произведе низа квалитетни играчи и генерации кои го носеа националниот дрес на чии успеси и ден-денес сме горди, истакна Горан Василов.
Свеченото отворање е на 9 септември во 19 часот по што ќе има натпревар во забивање, а од петок до недела се натпреварите. Во салата ќе може да присуствуваат 30 отсто од капацитет на гледачи со ПЦР или Ковид-сертификат. зс/
![](/articles/images/opshtina-aerodrom-doma-in-na-me-unarodniot-kosharkarski-turnir-dragan-/R2xaTRmt7/placeholder.webp?use_watermark=0)
![](/articles/images/opshtina-aerodrom-doma-in-na-me-unarodniot-kosharkarski-turnir-dragan-/bLkYTcVys/placeholder.webp?use_watermark=0)