ОН: Во Нигер и понатаму се доставува помош, и покрај тоа што нема контакт со војската
- Обединетите нации продолжуваат да доставуваат помош за Нигер, иако претставници на ОН во земјата изјавија дека не биле во контакт со претставници на претседателската гарда или војската по воениот преврат.
![ОН: Во Нигер и понатаму се доставува помош, и покрај тоа што нема контакт со војската](https://new.mia.mk/index.php/images/20230728205736_big_730x400_90.webp )
Њујорк, 28 јули 2023 (МИА) – Обединетите нации продолжуваат да доставуваат помош за Нигер, иако претставници на ОН во земјата изјавија дека не биле во контакт со претставници на претседателската гарда или војската по воениот преврат.
- Не сме во контакт со армијата. Што се однесува до претседателот Мохамед Базум, нашите информации од неговиот кабинет велат дека тој е добро и е во својот дом, изјавила високата функционерка на ОН во Нигер, Никол Кваси.
Таа додаде дека сите 1.600 вработени на ОН во Нигер се безбедни. јт/
Фото: Фејсбук