ОН: Во Либија има и до 100 масовни гробници
Женева, 4 јули 2022 (МИА) - Мисијата на Обединетите нации во Либија денеска соопшти дека „веројатно има масовни гробници“ кои допрва треба да се истражат, дека можеби има и до 100 од нив, во градот каде што се откриени стотици тела, а во исто време апелира до Триполи да ја продолжи потрагата.
Извештајот ќе биде доставен оваа недела до Високиот комесаријат за човекови права на ОН, во кој детално ќе биде опишано како милицијата, предводена од седумте браќа, егзекутирала и затворила стотици луѓе меѓу 2016 и 2020 година, понекогаш држејќи ги во мали објекти скако пешки, наречени „кутии“, кои биле запалени при тестирањето.
Доказите на независната комисија за киднапирање, убиства и тортура претставуваат еден од „најневеројатните“ примери за кршење на човековите права во турбулентниот период од соборувањето на Моамер Гадафи во 2011 година.
Меѓу жртвите има и инвалиди, како и жени и деца, според извештајот на 51 страница.
Врз основа на сведочењето и двете посети на Либија, мисијата оцени дека има „разумни основи“ да се каже дека милицијата Канијат извршила злосторства против човештвото.
Идентификувани се четворица команданти кои директно учествувале во злосторствата.
Либиските власти веќе пронајдоа 247 тела во масовни и индивидуални гробници во областа Тархун во западна Либија, многумина сè уште со лисици и врзани очи. паг/
