Онлајн информативна сесија за сезонска работа
- Државната секретарка во МВР и национална координаторка за борба против трговија со луѓе Магдалена Несторовска денеска ќе учествува на онлајн Информативната сесија за сезонска работа, која ќе
![Онлајн информативна сесија за сезонска работа](https://new.mia.mk/index.php/images/20221107105453_big_730x400_72.webp )
Скопје, 18 мај 2021 (МИА) - Онлајн информативната сесија за сезонска работа ќе се одржи денеска, активност на Македонското здружение на млади правници во партнерство со Националната комисија за борба против трговија со луѓе и илегална миграција на Северна Македонија преку проектот „Подигнување на свеста за трговија со деца преку интернет и трудова експлоатација на сезонски работници во Северна Македонија поддржан од ГИЗ“.
Од МВР најавија дека на информативната сесија ќе учествува државната секретарка во МВР и национална координаторка за борба против трговија со луѓе Магдалена Несторовска.
Главна цел на информативната сесија е подигнување на свеста во однос на ризиците од експлоатација и трговија со луѓе, информирање на работниците од таргетираните професии (земјоделство, градежништво и угостителство и туризам) во врска со нивните права при сезонска работа, како и воспоставување комуникација помеѓу институциите и синдикатите.
- Информативната сесија ќе биде од интерактивен карактер, наменета, пред се, за таргетирани професии–вршители на сезонска работа, синдикатите, локалните комисии, како и општата јавност. На неа ќе се обратат претставници на институциите и ќе бидат презентирани неколку теми релевантни по однос на сезонската работа и ризикот од експлоатација и трговија со луѓе, се посочува во најавата од МВР.фф/лв/