„Олд Трафорд“ може да биде срушен
- Манчестер јунајтед може да го сруши „Олд Трафорд“ и да изгради нов стадион. Ова е една од опциите што сопствениците на клубот ја разгледуваат како дел од реконструкцијата на арената.
![„Олд Трафорд“ може да биде срушен](https://new.mia.mk/index.php/images/20221112145816_big_730x400_94.webp )
Манчестер, 15 март 2022 (МИА) - Манчестер јунајтед може да го сруши „Олд Трафорд“ и да изгради нов стадион. Ова е една од опциите што сопствениците на клубот ја разгледуваат како дел од реконструкцијата на арената.
Според „The Telegraph“, Јунајтед наскоро може да ги избере компаниите кои ќе бидат одговорни за реконструкцијата.
Една од опциите што се разгледува е целосно уривање на „Олд Трафорд“, отворен во 1910 година и со 74.140 гледачи. Доколку биде урнат, Манчестер Јунајтед планира да изгради нов стадион со 90.000 седишта. Исто така, во склоп на стадионот ќе биде изградена мала арена за игрите на женската екипа и академијата.
Во исто време, Манчестер јунајтед е подготвен да разгледа и други опции за реконструкција. Меѓу нив - проширување на јужната трибина со зголемување на капацитетот на стадионот до 80 илјади луѓе или целосна реконструкција на стадионот - без рушење и проширување на јужната трибина. зс/