ОКТА донираше опрема за гасење на пожари на тешко пристапни терени на ТППЕ Свети Николе
- Комапнијата ОКТА денеска и донираше специјална опрема неопходна за гасење на пожари на непристапни терени на Територијалната противпожарна единица (ТППЕ) од Свети Николе, во чија околина во тек е справувањето со еден од најактивните и најголеми пожари кои ја зафатија нашата земја во изминатите неколку денови.
![ОКТА донираше опрема за гасење на пожари на тешко пристапни терени на ТППЕ Свети Николе](https://new.mia.mk/index.php/images/20240801170045_big_730x400_23.webp )
Скопје, 1 август 2024 (МИА) - Компанијата ОКТА денеска донираше специјална опрема неопходна за гасење на пожари на непристапни терени на Територијалната противпожарна единица (ТППЕ) од Свети Николе, во чија околина во тек е справувањето со еден од најактивните и најголеми пожари кои ја зафатија нашата земја во изминатите неколку денови.
Донираната опремата се состои од специјални противпожарни средства - метални метли и грбни прскалки - кои се користат од страна на пожарникарите при активностите за спречување на ширењето и гасењето на пожари на особено непристапни терени, каде не може да се дејствува со противпожарни возила и друга механизација.
-Како и секогаш досега, така и сега за време на овие пожари, како компанија и секако како пожарникари сме подготвени да ја обезбедиме целокупната наша поддршка, во опрема, експертиза и директен ангажман при справувањето со огнените стихии. Од искуство знаеме какви потреби имаат нашите колеги од противпожарната единица во Свети Николе, особено при гасењето на пожари на непристапни терени и затоа несебично ја понудивме нашата помош во опрема која ќе им помогне полесно да се справат со актуелниот пожар и сите евентуални вакви предизвици во иднина, изјави командирот на противпожарната единица на ОКТА, Влатко Панковски, на денешното примопредавање на дел од донираната опрема за Противпожарната единица од Свети Николе. вј/вг/
Фото: ОКТА