Окоњо Ивеала: Работите во СТО ќе ги променам од темел, приоритет пандемијата
Производителите на вакцини од САД, Кина и Русија, министри од богатите и земјите во развој и банкарски службеници утре ќе разговараат за ограничувањата на извозот на вакцини, зголеменото производство и суспензијата на правата на интелектуална сопственост на лекови и вакцини против Ковид-19.
„Нееднаквоста во однос на прашањето со вакцините боде очи. Јас сум прагматична личност и ме боли што луѓето умираат затоа што немаат пристап до вакцини. Имаме технологија што може да спаси животи и сакам да работам и да најдам решенија што навистина ќе ги променат работите“, рече Окоњо Ивеала.
Можните практични решенија вклучуваат пренамена на фабриките за производство на вакцини за животни и активирање на неискористените капацитети во земји како Бангладеш, Тајланд и Сенегал, со поддршка на меѓународни финансиски институции како што се Европската инвестициска банка и Меѓународната финансиска корпорација, членки на Светска банка. паг/
