Од октомври почнува зимското работно време на паркинзите на „Градски паркинг“
- Како што соопштија денеска од ЈП „Градски паркинг“, работното време од понеделник до петок во зоните А, Б и Ц ќе биде од 07 до 21 часот и во сабота од 07:00- 14:00 часот. На јавната површина наменета за паркирање зона Д, работното време останува исто, односно од понеделник до сабота од 07 до 23 часот.
![Од октомври почнува зимското работно време на паркинзите на „Градски паркинг“](https://new.mia.mk/index.php/images/20230929125057_big_730x400_6.webp )
Скопје, 29 септември 2023 (МИА) - На 1 октомври почнува зимското сметање на работното време за зонско паркирање на паркинзите со кои стопанисува „Градски паркинг“ – Скопје.
Како што соопштија денеска од ЈП „Градски паркинг“, работното време од понеделник до петок во зоните А, Б и Ц ќе биде од 07 до 21 часот и во сабота од 07 до 14 часот. На јавната површина наменета за паркирање зона Д, работното време останува исто, односно од понеделник до сабота од 07 до 23 часот.
„Градски паркинг“ известува дека од 1 октомври ќе се врши и промена на работното време и на јавните паркиралишта, така што на паркинг местата на „Нова Македонија“, „Народен фронт“ и АМСМ услугата паркирање ќе се овозможи 24/7.
Апелираат до корисниците да бидат внимателни и наплатата за паркинг услугата да ја извршат навремено и уредно, во согласност со работното време на паркиралиштата. сан/бак/
Фото: МИА архива