Гостивар 20 декември 2023 (МИА) - Полициски службеници од Полициското одделение Галате вчера во три трговски објекти во гостиварските села Неготино и Добридол пронашле и одзеле вкупно 6.964 парчиња разновидни пиротехнички средства, информираат од СВР Тетово. 

По акцијата лишени од слобода се три лица. 

- Во периодот од 16 часот и 50 минути до 19 часот и 10 минути ги лишиле од слобода И.Д.(61) со одземени 3826 парчиња и Х.Ј.(49) со одземени 2895 парчиња, двајцата од Неготино и го привеле Г.Р.(60) од Добридол со одземени 243 парчиња, вели Марјан Јосифовски, портпарол на СВР Тетово.

Пронајдените пиротехнички средства се фотодокументирани и по целосно документирање на случајот против трите лица ќе следуваат соодветни поднесоци.

Во последните две акции во Полошкиот регион одземени се над 15 илјади парчиња притехнички средства, најмногу петарди, мали огномети и слично. згм/мд/

Фото: СВР Тетово