Од верските календари
- 22 септември 2020 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 9 септември. Денеска е Св. Јоаким и Ана.
![Од верските календари](https://new.mia.mk/index.php/images/20221104202957_big_730x400_94.webp )
22 септември 2020 (МИА)
ОД КАЛЕНДАРОТ НА МПЦ
Според календарот на МПЦ (Јулијанскиот календар) денеска е 9 септември.
Денеска е Св. Јоаким и Ана.
Денешниот празник е органски поврзан со празникот од претходниот ден, со празникот на раѓањето на Богородица. Како и по сите поголеми празници, и по овој празник се празнува споменот на непосредните учесници во настанот што ја сочинува содржината на вчерашниот празник. Тоа е споменот на светите Јоаким и Ана. Таткото на Јоаким се викаше Варпафир и беше родум од Јудиното племе, а потомок на царот Давид, а Ана беше ќерка на свештеникот Матан, од Левиевото колено. Тие ја добија ќерка си Марија на стари години, после 50 години брак и по нивните долги и топли молитви. Инаку, самите доживеаа длабока старост свети Јоаким се упокои на 80, а света Ана на 79 години.
ОД КАТОЛИЧКИОТ КАЛЕНДАР
Денеска е Св. Тома од Виланова.
Роден е во 1486 година во Фуенлано, во Шпанија. Неговиот татко бил мелничар. Кога умрел неговиот татко, тој го продал имотот и парите им ги поделил на соромашните луѓе. На 26-годишна возраст бил професор по филозофија и теологија. Во 1518 година станал свештеник, а во 1544 година поради неговата ученост бил назначен за надбискуп на Валенсија. Бил познат како проповедник, а народните маси барале од него да ги каже неговите размислувања за Господ и вечниот живот. Свети Тома умрел во 1555 година.
###