Од верските календари
- 5 октомври 2021 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 22 септември. Денеска е Св. пророк Јона.
![Од верските календари](https://new.mia.mk/index.php/images/20221108175757_big_730x400_74.webp )
5 октомври 2021 (МИА)
ОД КАЛЕНДАРОТ НА МПЦ
Според календарот на МПЦ (Јулијанскиот календар) денеска е 22 септември.
Денеска е Св. пророк Јона.
Овој пророк живееше околу 800 години пред Христа и еден е од еврејските пророци. Посебно е важен зашто има една епизода од неговиот живот која е праслика на Христовото воскресение. Таа епизода Црквата постојано ја воспева во своите служби, особено во воскресните денови. Се работи за Јониниот тридневен престој во утробата на еден кит и неговото избавување од утробата на китот, исто како што Христос три дена престојуваше во утробата на земјата и стана од мртвите, бидејќи земјата не можеше да го запре врутокот на божествениот живот. За него може поопширно да се прочита во Книгата на пророк Јона, во Стариот завет.
ОД КАТОЛИЧКИОТ КАЛЕНДАР
Денеска е Св. Плацид и Св. Мавро.
Живееле во шестиот век после Христос и се подготвувале за калуѓери кај основачот на калуѓерите кои по Светиот Бенедикт се наречени Бенедиктанци. Нив особено за помош им се молат младите калуѓери и оние кои се подготвуваат да станат калуѓери.
###