Од верските календари
- 4 септември 2021 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 22 август. Денеска е Св. маченици Агатоник, Зотик и други.
![Од верските календари](https://new.mia.mk/index.php/images/20221108153751_big_730x400_78.webp )
4 септември 2021 (МИА)
ОД КАЛЕНДАРОТ НА МПЦ
Според календарот на МПЦ (Јулијанскиот календар) денеска е 22 август.
Денеска е Св. маченици Агатоник, Зотик и други.
Денешниве маченици Агатоник, Зотик, Принкипс, Теопрепиј, Акиндин, Северијан, Зенон и многу други со нив беа фрлени в затвор во градот Никомидија, како христијани, при еден прогон за време на римскиот цар Максимијан. Оттука беа препратени во Визант. По патот многу од нив потклекнаа од измачувањата и од исцрпеност, а свети Агатоник со останатите беше убиен пред очите на царот во местото Силим¬врија, во Тракија. Така пострадаа овие свети маченици и се преселија во радоста на својот Господ.
ОД КАТОЛИЧКИОТ КАЛЕНДАР
Денеска е Св. Розалија.
Таа била најпозната светица во Палермо, Италија. Била родена во Палермо. Работела во дворецот на кралицата Маргарета, жената на кралот Вилим. Потоа го напуштила кралскиот дворец и стапила во редот на сестрите августинки. Сакала да живее пустински живот и се повлекла во Монте Пелегрино, во близина на Палермо. Живеела строг покорнички живот. Света Розалија умрела во 1160 година. Нејзините реликвии се наоѓаат во катедралата во Палермо.
###