Скопје, 20 мај 2022 (МИА) - Министерството за животна средина и просторно планирање (МЖСПП) со поддршка на Програмата за зачувување на природата во Северна Македонија, проект на Швајцарската агенција за развој и соработка (SDC), денеска ќе го добележи Европскиот ден на мрежата на Натура 2000. Како што информираат од МЖСПП, на настанот ќе се обратат државниот секретар на Министерството, Каја Шукова, градоначалникот на општина Кочани Љупчо Папазов, извршниот директор на Македонското еколошко друштво (МЕД), Робертина Брајаноска, помошник директор на ЈП „Национални шуми“, Маре Басова– тело за управување на заштитениот предел „Осоговски Планини“. Ќе бидат прикажани видео и изложба на фотографии со тематика од Осоговските Планини, а предвидена е и посета на локалитетот „Панаѓур“.фф/са/