Одбележан Светскиот ден на биолошката разновидност во Пехчево
- Во Пехчево одбележан Светскиот ден на биолошката разновидност. Активноста, како што информираа од Општината, се реализираше во соработка со деветолетката „Ванчо Китанов“.
![Одбележан Светскиот ден на биолошката разновидност во Пехчево](https://new.mia.mk/index.php/images/20221113143613_big_730x400_4.webp )
Пехчево, 27 мај 2022 (МИА) - Во Пехчево одбележан Светскиот ден на биолошката разновидност. Активноста, како што информираа од Општината, се реализираше во соработка со деветолетката „Ванчо Китанов“.
- Со едукативна и рекреативна акција заедно со наставниот кадар и учениците, Општина Пехчево го одбележа Светскиот ден за заштита на биолошката разновидност, во туристичко рекреативната населба „Равна Река“. За таа цел ученици и наставници од училиштето изработија куќарки за птици и хотели за инсекти кои беа поставени на однапред одредени локации, информираа од Општината.
Поставените живеалишта, како што додадоа, имаат за цел да бидат погодно место за размножување и заштита на птици и инсекти на туристичко рекреативната населба „Равна Река“.
- Во близина на живеалиштата се наоѓаат и познатите пехчевски водопади, кои воедно ќе претставуваат и туристичка атракција за деца кои ќе доаѓаат во посета, како и самите туристи, додадоа од Општината.
Заради непогодните временски услови, настанот кој секоја година се одбележува на 22 мај, беше организиран во текот на денешниот ден. вс/мс/