Одбележани 60 години постоење на Архивот во Тетово
- Одделението во Тетово на Државниот Архив на Северна Македонија денеска одбележа 60 години од основањето. Беше организирана изложба со фотографско претставување на најзначајните документи кои
![Одбележани 60 години постоење на Архивот во Тетово](https://new.mia.mk/index.php/images/20221112045123_big_730x400_43.webp )
Тетово, 10 февруари 2022 (МИА) - Одделението во Тетово на Државниот Архив на Северна Македонија денеска одбележа 60 години од основањето. Беше организирана изложба со фотографско претставување на најзначајните документи кои ги поседува одделението како и промоцијата на публикацијата „Преглед на национализираните наемни згради и земјишта во градежниот регион на градот Тетово 1958-1963 низ архивските фондови“.
-Зграда во која е сместено одделението постои од 1929 година, а Архивот почнал да работи во 1962 година. Претставува регионален архив за Полог, пораншени општини Тетово и Гостивар. Единствен орган од ваков вид со евиденција на 279 иматели на документи од државни управи, државни служби од образование, стопанство, верски институции и слично, изјави раководителот Младен Матовски.
![архив тетово.jpg 3](/articles/images/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd%d0%b8-60-%d0%b3/NISUoRvit/placeholder.webp?use_watermark=0)
Тетовскиот Архив има преземено 795 фондови и збирки преземени од јавни служби. Количина на депониран материјал изнесува 1100 метри должински – при што едно метро содржи 10 архивски кутии, а една кутија содржи 1000 извори архивски.
-Ова е едно богатсво кое зборува за сите сегменти од животот во Полог. Тетовскиот архив е 60 годишен чувар на културно наследство во Полог. Исто така е издавач на десетици публикации, истакна Матовски.
На изложбата можеше да се види и фотографија од најстариот документ во Архивот кој е од 1704 година од тогашната Османлиска држава.
![архив тетово.jpg 2](/articles/images/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd%d0%b8-60-%d0%b3/VlW9n64Ya/placeholder.webp?use_watermark=0)
-Оваа изложба ми значи многу јас бев дел од екипата. Се базира на материјалот со кој располага одделението и Државниот архив каде се чуваат значајни документи од историјата на подрачјето кое го опфаќа овој архив. Во самата содржина на изложбата може да кажам дека е богата. Од првите документи од 12 век во време на Византија, а тука се документи и од Османлискиот период . Мора да нагласам за синџил од 1704 година што е навистина е една реткост, дел од изложбата од османслиски период, изјави Бранислав Светозаревиќ.
Директорот на Државн Архив, Емил Крстевски изјави дека со оваа изложба и одбележување на јубилејот, одделението во Тетово се приклучува кон неколкуте активности на Државен Архив кој воедно слави 70 години од институционално функционирање.![архив тетово.jpg 4](/articles/images/%d0%be%d0%b4%d0%b1%d0%b5%d0%bb%d0%b5%d0%b6%d0%b0%d0%bd%d0%b8-60-%d0%b3/0XiqeTU8i/placeholder.webp?use_watermark=0)
Публикацијата „Преглед на национализираните наемни згради и земјишта во градежниот регион на градот Тетово 1958-1963 низ архивските фондови“ е изработена од раководителот на тетовскиот Архив, м-р Младен Матовски. Зградата на Архивот во Тетово е реновирана во 2018 година.ас/бт/