Овогодинешните Нобелови награди ќе бидат доделени денеска на свечености во Стокхолм и Осло
- Овогодинешните Нобелови награди ќе бидат доделени денеска на свечености во Норвешка и Шведска, јави ДПА.
![Овогодинешните Нобелови награди ќе бидат доделени денеска на свечености во Стокхолм и Осло](https://new.mia.mk/index.php/images/20231210071617_big_730x400_39.webp )
Осло, 10 декември 2023 (МИА) - Овогодинешните Нобелови награди ќе бидат доделени денеска на свечености во Норвешка и Шведска, јави ДПА.
Доделувањето на наградите е предвидено да започне во 12:00 часот по Гринич.
Добитничката на Нобеловата награда за мир Наргес Мохамади нема да може лично да ја прими наградата бидејќи е во затвор во Иран. Наградата ќе им биде врачена во Осло на нејзиниот сопруг и двете деца.
Мохамади ја доби Нобеловата награда за мир за нејзината работа за човекови права насочена кон правата на жените во Иран.
Нобеловите награди за литература, медицина, физика, хемија и економија ќе ги додели шведскиот крал Карл Шеснаесетти Густаф во Стокхолм.
Секоја од овогодинешните награди носи парична награда од 11 милиони шведски круни (околу еден милион американски долари). Лауреатите беа објавени во октомври, а наградите традиционално се доделуваат на годишнината од смртта на основачот на наградите Алфред Нобел. ссм/
фото: архива