Нуредини: Поголема енергетска независност и насочување на инвестициите во обновливите извори на енергија
- На маргините на климатскиот самит, COP27 министерот за животна средина и просторно планирање Насер Нуредини оствари средба со помошникот државен секретар на САД за енергетски ресурси Џефри Пј
![Нуредини: Поголема енергетска независност и насочување на инвестициите во обновливите извори на енергија](https://new.mia.mk/index.php/images/20221114024938_big_730x400_82.webp )
Скопје, 10 ноември 2022 (МИА) - На маргините на климатскиот самит, COP27 министерот за животна средина и просторно планирање Насер Нуредини оствари средба со помошникот државен секретар на САД за енергетски ресурси Џефри Пјат, директорката на американската EXIM банка Рета Џо Луис и министерот за енергетика на Романија Вирџил Даниел Попеску.
На средбата, како што информираат од МЖСПП, се разговарало за актуелните регионални енергетски прашања, за плановите за воспоставување регионален пристап и постигнување на поголема енергетска независност.
Во таа насока била нагласена потребата од паралелно поддржување и насочување на инвестициите во обновливите извори на енергија.
На средбата романскиот министерот Попеску информирал за проектот за малиот Модуларен нуклеарен реактор што се гради во Романија. дма/са/