Кигали, 14 декември 2024 (МИА) - Возачот на Мекларен Формула 1, Ландо Норис, објасни дека сезоната 2024 година била „лесна“ за Макс Верстапен, кој ја освои својата четврта последователна светска титула оваа година. 

Британецот коментираше на наградите на ФИА за светски шампиони во Кигали, Руанда, а Макс ја обезбеди титулата во Лас Вегас, а Норис беше најблиску до него во трката за титулата.

-Макс има големо искуство и мислам дека сезоната му беше релативно лесна. Да имавме подобар болид на почетокот на сезоната, ќе се боревме повеќе со него и тој ќе беше под многу поголем притисок. Кога го ставивме Верстапен под притисок, тој почна да греши – истакна Ландо. 

Според него, во текот на сезоната Холанѓанецот направил многу малку грешки. 

-Тоа е она што го прави толку добар. Тој нема слаби квалификации или слаба трка. Можеби неговата најлоша трка беше Унгарија и тој повторно заврши петти. Секој пат целосно го користи потенцијалот на неговиот автомобил. Импресивно е, секој пат учам нешто од него, додаде тој. дс

Фото: Архива