Ноер повторно тренира по пауза од пет месеци
- Голманот на германската репрезентација и на Баерн Минхен, Мануел Ноер (37), се врати во тренажен процес пет месеци откако се повреди, објави денеска баварскиот фудбалски гигант.
![Ноер повторно тренира по пауза од пет месеци](https://new.mia.mk/index.php/images/20230511211122_big_730x400_96.webp )
Минхен, 11 мај 2023 (МИА) – Голманот на германската репрезентација и на Баерн Минхен, Мануел Ноер (37), се врати во тренажен процес пет месеци откако се повреди, објави денеска баварскиот фудбалски гигант.
Ноер минатата зима на скијање доби фрактура на десното потколено и се хеликоптер итно беше пренесен во болница каде следниот ден беше опериран.
Баерн објави попладнево дека Ноер се вратил на теренот и почнал со индивидуални тренинзи.
„Среќен сум и не поставувам конкретен датум за враќање. Се обидувам да сторам сè што можам за да извлечам максимум и да напредувам што е можно побрзо“, порача Ноер.
„Секој ден е чекор напред“, додаде германскиот чувар на мрежата, кој во дресот на Баерн има 489 настапи, освојувајќи 29 трофеи, од кои десет титули германски првак и две во Лигата на шампиони.
Откако Ноер се повреди, Баерн го ангажираше швајцарскиот голман Јан Зомер (34), кој потпиша договор до лето 2025 година. ег/
ФОТО: Твитер