Нов сингл на бендот SoundEdge и Ристо Солунчев
- Од SoundEdge студиото излегува новиот сингл со наслов Hate Speech како соработка на бендот SoundEdge и Ристо Солунчев.
![Нов сингл на бендот SoundEdge и Ристо Солунчев](https://new.mia.mk/index.php/images/20230214204830_big_730x400_20.webp )
Скопје, 14 февруари 2023 (МИА) – Од Саунд еџ студиото излегува новиот сингл со наслов „Hate Speech“ како соработка на бендот Саунд еџ и Ристо Солунчев.
Музички „Hate Speech“ е комлексна изведба на алтернативен рок што Саунд еџ го носи со себе и рап-варијантата на Солунчев со едноставни фанк-џез примеси и фузија на два сосема различни вокали склопени во експериментална целина.
Музиката е на Саунд еџ, е во авторство на Симеон Спировски, кој е и продуцент на песната.
Текстот и вокалите се на Ристо Солунчев и Рената Аризанова. Видеото за песната е дело на Саунд еџ продукцијата и го изработи Александар Лазаревски. свс/нд/