Нов број на списанието „Дипломатски летопис“
- Во издание на Дипломатски клуб - Скопје излезе нов број на „Дипломатски летопис“ - списание за дипломатијата, меѓународните односи и меѓународното право.
![Нов број на списанието „Дипломатски летопис“](https://new.mia.mk/index.php/images/20240303102855_big_730x400_88.webp )
Скопје, 3 март 2024 (МИА) - Во издание на Дипломатски клуб - Скопје излезе нов број на „Дипломатски летопис“ - списание за дипломатијата, меѓународните односи и меѓународното право.
Во фокусот на новиот број се авторски текстови за најголемиот дипломатски настан во нашата држава - Министерскиот совет на ОБСЕ, за очекувањата и достигнувањата од иницијативата „Отворен Балкан“ и за одбележувањето на 30-годишнината од воспоставувањето дипломатски односи на нашата држава со најзначајните земји во тогашната Европска економска заедница.
-На 82 страници во „Летописот“ следуваат блоковите „Дипломатска историја“ со прилози на Денко Макески („Последниот говор“) и Драган Јањатов (за Хенри Кисинџер), „Дипломатите писатели“ (Душан Поповски, Петре Наковски), како и блокот за најновите публикации на македонските дипломати, информира Дипломатскиот клуб - Скопје. хс/цр/
Фото: Дипломатски клуб - Скопје