Новоизбраната судијка Ана Павловска- Данева почна со извршување на работните обврски во Уставниот суд
Скопје, 9 февруари 2024 (МИА) - Ана Павловска-Данева денеска ги презеде своите работни обврски како уставен судија, соопшти Уставниот суд, кој со нејзиниот избор во Собранието почна да функционира во полн состав со вкупно девет судии.
-Покрај средбата со претседателката на Судот, Добрила Кацарска, судијата Павловска-Данева ги запозна судиите и вработените во службата, по што активно се вклучи во тековните ангажмани и активности во Судот, наведува Уставниот суд во соопштение.
Согласно Уставот, мандатот на Павловска-Данева како уставен судија трае девет години. хс/бак/
Фото: МИА архива
