Нови дијагностички методи во Центарот за јавно здравје во Охрид
- Центарот за јавно здравје од Охрид во неколку наврати воведе, и продолжува да воведува нови дијагностички методи за микробиолошка анализа на хуман материјал, со цел да се одговори на потребите на сите пациенти и лекари, за брзо, точно, успешно и ефикасно дијагностицирање и следење на различни состојби.
![Нови дијагностички методи во Центарот за јавно здравје во Охрид](https://new.mia.mk/index.php/images/20240415155746_big_730x400_37.webp )
Охрид, 15 април 2024 (МИА) – Центарот за јавно здравје од Охрид во неколку наврати воведе, и продолжува да воведува нови дијагностички методи за микробиолошка анализа на хуман материјал, со цел да се одговори на потребите на сите пациенти и лекари, за брзо, точно, успешно и ефикасно дијагностицирање и следење на различни состојби.
Центарот обезбеди најсовремен инструмент со високософистицирана и сензитивна молекуларна технологија, преку детекција на генетски материјал (ДНК/РНК) од различни бактерии, вируси и нивни продукти, за релативно кратко време да се утврди присуство на патогени микроорганизми во примерок на фецес (измет) и назофарингеален брис (брис од нос).
Во моментов, во микробиолошките лаборатории на Центарот за јавно здравје во Охрид, на располагање се тестови за детекција на микроорганизми прeдизвикувачи на гастроинтестинални (цревни) инфекции и труења со храна, на токсини на бактеријата Ентерохеморагична Еscherichia coli и тоа Verotoxin 1 и 2, In>min, Haemolysin, EIEC/Shigella, EAggEC, Verotoxin 2fb, потоа за детекција на токсини на бактеријата Clostridium diKcile и тоа: toxin A и B, GDH, Binary toxinc. Уште во Центарот се вршианализa за утврдување присуство и диференцијација на различни типови Салмонела 2, како и за детекција/скрининг на MRSA (тип на бактерија-Метицилин резистентна стафилокока која е резистентна на многу антибиотици, а е причинител на интрахоспитални инфекции што се исклучително тешки за лекување.
-На овој начин, користејќи високо софистициран инструмент на база на молекуларна технологија, овозможуваме на лекарите за неполни два часа, да добијат точни показатели за правилно и навремено дијагностицирање на одредени здравствени состојби кај пациентите со цел ефикасен третман на истите, соопштуваат од Центарот за јавно здравје – Охрид. аб/дма/
фото/ЦЈЗ Охрид