Куманово, 5 септември 2023 (МИА) -   Во Куманово ќе бидат поставени над триесетина унифицирани автобуски постојки, соопштија денеска од Секторот за комунални дејности. Постојките ќе бидат лоцирани на главните сообраќајници низ кои поминуваат 26-те редовни автобуски линии.

-На огласот се понудени 32 локации, и тоа: на булеварите, кружните текови и главните улици. Предвидени се три вида постојки со различна големина, кои  ќе имаат и, фотонапонски панел, изјави раководителката на секторот, Лидија Ланг Спасовска.

Понудувачите ќе треба да ги дислоцираат веќе постоечките, кои граѓаните ќе ги користат до фазата кога ќе бидат поставени  171  постојки.

Постоечките беа поставени пред неколку години од превозниците како обврска од добивањето на линискиот превоз. ам/љм/

Фото: МИА