Новиот ребаланс на Буџетот по втор пат не доби потребна поддршка од каменичките советници
- Новиот ребаланс на буџетот на Општина Македонска Каменица, по втор пат не ја доби потребната поддршка од каменичките советници.
![Новиот ребаланс на Буџетот по втор пат не доби потребна поддршка од каменичките советници](https://new.mia.mk/index.php/images/20221113225415_big_730x400_66.webp )
Македонска Каменица, 23 септември 2022 (МИА) - Новиот ребаланс на буџетот на Општина Македонска Каменица, по втор пат не ја доби потребната поддршка од каменичките советници.
Во врска со ова, градоначалникот на Општина Македонска Каменица Димче Атанасовски излезе со ново соопштение за јавноста во кое потенцира дека неизгласувањето на ребалансот на Буџетот ќе предизвика низа проблеми кои граѓаните допрва ќе ги почувствуваат.
- Веќе од октомври, околу четириесет луѓе ангажирани преку приватни агенции за вработување во ЈП „Камена Река", КИЦ „Романса" и Општина Македонска Каменица, како и лица ангажирани преку „Програма за јавни работи" ќе останат без своите работни места, односно без основна егзистенција во услови на тешка економска и енергетска криза. Во образовните институции, покрај тоа што нема да има зголемување на платите на вработените, ќе се појават редица проблеми во набавка на нафта за затоплување, проблеми со превоз на учениците до училиштата и до нивните домови, набавка на потребни материјали за спроведување на образовниот процес, нагласи Атанасовски.
Посочи дека поради ненавремено подмирување на обврските, цела општина ќе остане без јавно осветлување, а електричната енергија ќе биде прекината и во „Куќата на спортот" и општинската зграда.
- Тоа практично значи дека нема да функционираат и канцелариите на подрачните министерства,